Friends of Yacata

Oqori na kedratou itaba e tolu nai tokani ka ra sa veivuke tiko ena sasaga ni veivakatorocaketaki e Yacata. Ko Ken na Manidia mai Kaibu enai matai ni taba. Ko Virginia kei na watina ko Casey, mai Sydney Australia, rau taba tiko kei Sai Lealea. Nai katolu ko Mike Smith ka taba tiko kei Mosese Volavola mai Yacata.

A lako yani ki Yacata ko Virginia ni se yabaki 13 kei rau na nonai tubutubu ni se qai tauyavu tiko mai Kaibu ko Mr Johnson. E dau caka waqa fibreglass na tamana e Australia ka vakasea ena bisini nei tamana ko Mr Johnson. Eratou se tiko mai Kaibu na Rosa ena gauna se lako yani kina ki Yacata kei Kaibu ko Virginia. E vakauqeti Virginia me sema tale yani ka via cau ena vakatorocaketaki mai Yacata ena nona wilika ena dua nai vola tukutku ena waqavuka ka vuka tiko yani ki Viti. E wilika kina na vakacaca ni dua na cagilaba ka mositi koya sara. E rau vakabisinisi vakaveiwatini ka gadreva vakalevu me cau ena gaunisala eso ni vakatubu bisinisi kei na vakatubuilavo. E sa dikeva tiko eso na gaunisala ni vakatubuilavo me vaka na susu oni kei vakasala tale eso. E rau vinakata talega me rau la'ki Siganisucu ki Yacata ena yabaki 2006.

Ko Mike Smith e tiko e Niu Siladi ka sa kumuna tiko eso nai yaya ni koronivuli me vakauta yani. E a lesu mai Yacata o Mike ena yabaki 2005 ka gadreva sara me cau ena vukei ni vuli kei ira na kena gonevuli. E sa veitaratara tiko kei Sai Lealea o Mike me baleta na nona cau ni veivuke kina koronivuli mai Yacata.