Saturday, July 08, 2006

Tukutuku Raraba kei Yacata

<>Tukutuku mai na Tabana ni Veitarogi Vanua e Viti

Yasana:
Cakaudrove

Tikina: Cakaudrove

Koro: Totokana

Yavutu: Kakabale

Na Kalou Vu, na kau, ika, kei na manumnau e tautauvata ga kei Vuna, Taveuni.

<>
Taba: Yarakamai, Yacata. <>
<>
<>
Vakacaucau ni Ravu = Vunivesi
<>E a labati mai Vuna o Ratu Raitau, na Sau. A mani biu kina o Vuna ka gole ki Salialevu. <>

O ira na Tui Yacata

1.
Ratu Motonicocoka – Nai matai ni Tui Yacata <>
2.
Ratu Maidelanimati – Nai karua ni Tui Yacata. E na gauna e a Tui Yacata kina a tara na vanua e dua na dausiga levu ka mani vakavuna mera sa kau mada ki Bouma na marama me yacova ni sa tu vinaka tale na vanua mera qai kau lesu mai ki Yacata. <>
3.
Ilaitia Baleinamoto – Nai katolu ni Tui Yacata donua na i valu i Wainiqolo nodra i liuliu na Toga. Donua na nona gauna a biu kina o Kakabale ka ra lesu tale mai na qase ki Totokana. A donumaka talega na nona gauna era yaco mai matasawa e Yacata na mataivalu nei Wainiqolo kara mai kerea mera mai lako vata ki Taveuni mesa laki valuti ko Tui Cakau. A mani vakaraitaka na Tui Yacata ni na sega ni rawa me laki valuta na nona Turaga. Mera sa lako ga kevaka era sa bula mai mera qai mai sota. <>
4.
Rusiate Naulumatua – Nai ka va ni Tui Yacata. E na nona gauna a donumaka na kena tawase mai o Yacata mai na tikina o Vuna ke me sa wili kina tikina o Cakaudrove. <>
5.
Ratu Apete Lalakai – Nai ka lima ni Tui Yacata. A donumaka na nodra gauna ni veiliutaki na loma ni kuila. (1870s-…..) <>
6.
Eliki Bomani – Nai ka ono ni Tui Yacata. <>
7.
Paula Raikaki – Nai ka vitu ni Tui Yacata. Sai koya talega ka bubuluitaka nai tukutuku kei Yacata enai ka ruasagavulu ka ciwa ni vula ko Okosita 1929 e na veitarogi vanua ka caka mai Somosomo. <>
8.
Jofiliti Tiko – Nai ka walu ni Tui Yacata <>
9.
Savenaca Vue – Nai ka ciwa ni Tui Yacata. Sai ira talega nai otioti ni Tui Yacata ka vakagunuvi me yacova mai na gauna oqo. <>

Note:
-Tauri mai na dua na i lavelave ni tukutuku ka tiko vei Sisa Lealea e Yacata ka taipataka ko Sai Lealea e na i ka 10 ni Janueri 2006 e na vale o Malta e Yacata.

1 comment:

UDau said...

Vinaka vakalevu sara na kauwai ena vuku ni nodatou vanua vakaturaga o Yacata. Ke rawa walega, me bau volai na kawa era gole mai kina ne vei Tui-Yacata, kei koya e buli ira se vagunuvi ira (King Maker isuue is very, very important). Vinaka!