Ugavule ni Yacata

Na ugavule e dua na manumanu qasi ka kilai levu e Yacata. E kakana totoka vakaoti ka kana vinaka ka ni kamikamica ka uro sara na lewena. Oqo e baleta ni dau kana niu na manumanu oqo. E manumanu curu-qara na ugavule ka dau qasi mai ki loganiu ena bogi me mai katia ka sauca na kena niu. E dau vakayagataka na batina e rua lelevu me katia ka sauca kina na niu.

E dau cinavi ena bogi na ugavule ka tiko talega na gauna, ni tu donu na kena vula, era dau qasi yani ki matasawa me ra vakasucu kina ka lesu tale kina nodra qara.