Voca ni Takia kei na Sui ni Kaitoga

Ena gauna e Tui Yacata kina ko Ilaitia Baleinamoto, nai katolu ni Tui Yacata, rauta na 1860s, e donua na i valu i Wainiqolo nodra i liuliu na Toga. Donua na nona gauna a biu kina o Kakabale ka ra lesu tale mai na qase ki Totokana. A donumaka talega na nona gauna era yaco mai matasawa e Yacata na mataivalu nei Wainiqolo kara mai kerea mera mai lako vata ki Taveuni mesa la'ki valuti ko Tui Cakau. A mani vakaraitaka na Tui Yacata ni na sega ni rawa me la'ki valuta na nona Turaga. Mera sa lako ga kevaka era sa bula mai mera qai mai sota.

Era mani ravuti kece na Toga ena i valu mai Wairiki vei Tui Cakau ka ra dro na kenai vovo ka yaco mai Yacata eso. E tukuni ni ra moku ka colati cake ena nodra takia ki na koro makawa ko Kakabale, na yavutu kei Yacata, e ulunivanua.

Sa toka oqori ena i taba na vovo ni nodra takia kei na binibini sui ena dua na qara ena botoni ulunivanua mai Yacata. Oi rau na tiki ni takia ka vo tu oqo, e dau kabi ena dago ni takia. Na veika makawa vaka oqo ena tiki ni sasaga ni kena tauyavu na bisinisi ni saravanua mai Yacata, mera la'ki sikova na veika se itikotiko makawa eso mai Yacata.