Macala ni Veisisivi Vamataqali E Yacata, Yabaki Vou 2006

<><>Sa tiko oqori e ra na macala ni veisisivi vamataqali ena veitabana eso ka yaco ena Yabaki Vou e Yacata enai ka 2 ni siga ni 2006. E draki vinaka na siga ni veisisivi ka ra vakaitavi ruarua kina na gone kei na qase.<> Nai naki levu ni siga oqo sai koya na kena:

• marautaki na Yabaki Vou ena so na qito kei na veisisivi ka;
• semata vata tiko na mataqali kei na yavusa.

E vakabibi oqo vei ira na gole yani mai na vanua ni cakacaka kei Vavalagi. Sa tiko talega nai taba mai na siga oqo.

<><>Eratou Turaga ni Lewa ena veisisivi vei ira na qase ko iratou na Qase ni Vanua. Eratou a la'ki siko ena kena toka tiko na lolo ni vakalolo ena veimataqali ni bera ni ratou mai tovolea na vua ni cakacaka ni veimataqali. Eratou vatulewa enai kanakana ni mavu kei nai tuvaki ni lolo ka sa tiko enai tukutuku e ra na nodratou vakamacala.

Eratou vatulewa talega ena caka kei nai kanakana ni waite. Era lewe va ena timi ni caka waite ena veimataqali ka tekivu mai na kena:

- sua na niu ena doko kau era dui taya ka tauri toka ga;
- kari na niu ena sakaro ni mataqali; kei na
- caka ni waite ena bisikete kei na suka sa vakarautaki yani.

<>E laurai ena veisisivi oqo na totolo ni cakacaka kei na kena caka vakavinaka ka kana vinaka ni waite.
<>
<>E nuitaki ni na yaco tiko ena veiyabaki na veisisivi vaka oqo ka me na qai tomani tale tiko eso na tabana vou ni veisisivi.

POROKARAMU NI VEISISIVI

Tiki ni Siga: 02 – 01 - 06

	Mataqali Naniti	Mataqali Nadrodrodro	Mataqali Dakuicake
Veisisivi ni Gone
Veitau Taga	3	2	1
Veidre Dali	2	3	1
Veitau Bara	1
Veitau Semati (Relay)	1	3	2
Qito Yavitu (Sevens) Tagane Yalewa	1 2	1 2	2 1
Veitau Qalo	Sega ni Yaco
Veisisivi ni Qase
Sua Niu, Kari Niu kei na Caka Waite	1 Lewe ni Timi: Esala, Lesi, Sireli kei Jone	2 Lewe ni Timi: Joeli, Jiuwa, Pita kei Rusiate.		3 Lewe ni Timi: Vola, Joeli, Misa kei Josese
Caka Vakalolo	1 Toka Lolo: - Jone Vukibera Mavu: - Saqa na tavioka solo qai sakosako. Nodratou Vakasama na Turaga ni Lewa: - Drodro vinaka ka roka vinaka a lolo.	2 Toka Lolo: - Cakacaka Biu Mavu: - Saqa na tavioka solo qai vadraunikumala. Drokadroka na mavu ena drau ni kumala. Nodratou Vakasama na Turaga ni Lewa: - Toka tu e liu na lolo ka sega sara ni katakata ni tovolei. Dina ga ni drodro vinaka ka roka vinaka.		3 Toka Lolo: - Josese Buisena Mavu: - Vavi na tavioka solo ka vadraunikumala. Totoka qai boi vinaka na mavu vavi ka roka drokadroka ena drau ni kumala. Nodratou Vakasama na Turaga ni Lewa: Lolo sega ni drodro vinaka ka via tu tikitikina
Volleyball	2	1		3
Veidre Dali	Sega ni Yaco